Тавре зикр мешавад, тадбирҳо ба беҳтар намудани ҳолати гидрологии ҳудуди мамнӯъгоҳ, таъмини гардиши муқаррарии об ва пешгирии ҷамъшавии таҳшинҳои лой равона шудаанд. Ғайр аз ин, корҳо ба ҳифзи тавозуни экологии минтақаи беназири табиӣ мусоидат мекунанд.

Дар мамнӯъгоҳ ҳамзамон тозакунии мунтазами каналҳо ва маҷроҳои обгузар аз лой ва дигар монеаҳо гузаронида мешавад. Ин барои таъмини ҷараёни озоди об, беҳтар намудани ҳолати мелиоративии ҳудуд ва пешгирии эҳтимолии обхезӣ зарур аст.

Акс: Кумитаи ҳифзи муҳити зисти назди ҳукумати ҶТ Акс: Кумитаи ҳифзи муҳити зисти назди ҳукумати ҶТ

Дар Кумита таъкид карданд, ки чунин чорабиниҳо барои нигоҳ доштани муҳити табиии мамнӯъгоҳ ва ҳифзи экосистемаи он аҳамияти муҳим доранд. Ҳолати объектҳои гидрологӣ зери назорати доимии мутахассисон қарор дорад ва корҳо оид ба барқарорсозӣ ва нигоҳдории онҳо мунтазам гузаронида мешаванд.

Мамнӯъгоҳи давлатии табиии «Бешаи палангон» яке аз калидтарин ҳудудҳои махсус ҳифзшавандаи табиии кишвар ба шумор рафта, тадбирҳои андешидашаванда ба ҳифзи дарозмуддати он равона шудаанд.